edvy

Maxfiylik siyosati

Kuchga kirgan sana: 2026-yil 31-oktabr

Edvy — o'quv markazlari uchun boshqaruv tizimi (veb-sayt edvy.cronsys.org, Android va kompyuter ilovalari, Telegram bot @edvy_bot). Bu sahifa Edvy qanday ma'lumotlarni yig'ishi, ulardan nima uchun foydalanishi va kimga uzatishini tushuntiradi.

1. Kim javobgar

Xizmatni «CRONSYS» MCHJ («Edvy», «biz») taqdim etadi. O'quvchi, ota-ona va xodimlar haqidagi ma'lumotlarni Edvy'ga o'quv markazi kiritadi va ularning egasi o'sha markaz hisoblanadi. Biz bu ma'lumotlarni faqat markaz nomidan va markazga xizmat ko'rsatish uchun qayta ishlaymiz.

2. Qanday ma'lumotlar yig'iladi

Hisob ma'lumotlari: ism-familiya, telefon raqami, rol (direktor, menejer, reception, o'qituvchi, o'quvchi, ota-ona), parol (faqat shifrlangan xesh ko'rinishida saqlanadi).
O'quv ma'lumotlari: guruh va fanlar, dars jadvali, davomat, baholar, uy vazifalari, o'yin va mashq natijalari, coinlar.
Moliyaviy ma'lumotlar: to'lovlar, qarzdorlik, chegirmalar, xodimlar oyligi. Bank kartasi raqamini Edvy saqlamaydi — onlayn to'lov to'lov tizimi sahifasida amalga oshiriladi.
Muloqot: ilova ichidagi chat xabarlari, bildirishnomalar, markazga Telegram/Instagram orqali kelgan murojaatlar (markaz ularni ulagan bo'lsa).
Qo'ng'iroq yozuvlari: markaz yoqqan bo'lsa, markaz xodimlarining mijozlar bilan qo'ng'iroqlari yozib olinadi va tahlil qilinadi. Bu alohida xodim ilovasi orqali ishlaydi; o'quvchi va ota-ona ilovasi qo'ng'iroq yozmaydi.
Ovoz (AI Ustoz): o'quvchi talaffuz mashqida tugmani bosgandagina mikrofon yoqiladi; yozuv baholash uchun yuboriladi.
Yuz namunasi (ixtiyoriy): xodim o'zi rozilik bilan yuz suratini ro'yxatdan o'tkazsa, undan raqamli yuz belgisi olinadi va tanishni tekshirish uchun saqlanadi. Xodim uni istalgan vaqtda o'zi o'chira oladi.
Texnik ma'lumotlar: IP manzil, qurilma va brauzer turi, ilova versiyasi, bildirishnoma (push) tokeni, xatolik jurnallari.

Edvy joylashuvingizni, kontaktlar ro'yxatingizni yig'maydi va reklama kuzatuvidan foydalanmaydi.

3. Ma'lumotlardan nima uchun foydalanamiz

tizimga kirish va rolingizga mos ekranni ko'rsatish;
darslar, davomat, baholar va to'lovlarni yuritish;
o'quvchi va ota-onaga bildirishnoma yuborish (darsga keldi/kelmadi, baho, to'lov, xabar);
markazga hisobotlar va sun'iy intellekt yordamida tahlil (masalan, qo'ng'iroq sifati, o'quvchi ketish xavfi);
xizmat xavfsizligi, firibgarlikni oldini olish va xatolarni tuzatish.

Biz ma'lumotlarni sotmaymiz va reklama uchun ishlatmaymiz.

4. Ma'lumotlar kimga uzatiladi

Faqat xizmatni ishlatish uchun zarur bo'lgan quyidagi provayderlarga:

Contabo GmbH (Germaniya) — serverlar, ma'lumotlar shu yerda saqlanadi;
Anthropic va OpenAI (AQSh) — sun'iy intellekt tahlili va AI Ustoz; bu provayderlar API orqali yuborilgan ma'lumotlardan o'z modellarini o'qitishda foydalanmaydi;
Telegram — @edvy_bot orqali bildirishnomalar (agar hisobingizni botga bog'lagan bo'lsangiz);
SMS provayderlari (O'zbekiston) — eslatma va tasdiqlash SMS'lari;
To'lov tizimlari (masalan, Payme) — onlayn to'lov;
Push xizmatlari (Google, Apple, Mozilla) — telefon va brauzerga bildirishnoma yetkazish.

Qonun talab qilgan hollarda ma'lumotlar vakolatli davlat organlariga berilishi mumkin.

5. Saqlash muddati va o'chirish

Ma'lumotlar markaz Edvy'dan foydalanib turgan davrda saqlanadi. Markaz o'quvchini tizimdan o'chirsa, uning shaxsiy ma'lumotlari (ism, telefon, tug'ilgan sana, xabarlar) o'chiriladi; buxgalteriya hisobi buzilmasligi uchun to'lov yozuvlari ismsiz holda qoladi. Markaz xizmatdan voz kechsa, uning ma'lumotlari so'rov bo'yicha butunlay o'chiriladi.

6. Hisobingizni o'chirish

Edvy hisobini o'quv markazi ochadi. Hisobingiz va ma'lumotlaringizni o'chirish uchun o'z markazingizga murojaat qiling yoki bizga info@cronsys.org manziliga ilovada ro'yxatdan o'tgan telefon raqamingiz bilan yozing. So'rov 30 kun ichida bajariladi.

7. Bolalar

O'quvchilar orasida voyaga yetmaganlar bo'lishi mumkin. Ularning hisobini markaz ota-ona yoki vasiy roziligi asosida ochadi. Ota-ona farzandining ma'lumotlarini ota-ona hisobidan ko'ra oladi va o'chirishni so'rashi mumkin.

8. Xavfsizlik

Barcha ulanishlar HTTPS orqali shifrlanadi, parollar xesh ko'rinishida saqlanadi, har bir markaz ma'lumotlari alohida bazada turadi, xodimlar faqat o'z roliga ruxsat etilgan ma'lumotni ko'radi.

9. Huquqlaringiz

Siz o'zingiz haqingizdagi ma'lumotlarni ko'rish, tuzatish va o'chirishni so'rash huquqiga egasiz. Murojaat: info@cronsys.org.

10. O'zgarishlar

Siyosat o'zgarsa, yangi tahrir shu sahifada sana bilan e'lon qilinadi.

Privacy Policy (English summary)

Edvy is a management system for learning centers, provided by CRONSYS LLC (CRONSYS, Masuliyati cheklangan jamiyat). Data about students, parents and staff is entered by the learning center, which owns it; Edvy processes it on the center's behalf.

Data collected: name, phone number, role, hashed password; classes, attendance, grades, homework; payments and debts (card numbers are never stored); in-app chat and notifications; call recordings of center staff (only if enabled by the center, via a separate staff app); voice recordings during AI Tutor pronunciation practice (microphone only while the button is pressed); optional face templates for staff identity checks (deletable by the staff member); IP address, device type, app version, push token, error logs. We do not collect location or contacts and do not use advertising tracking.

Use: sign-in, running classes and payments, notifications, AI-assisted reports for the center, security. We do not sell data.

Processors: Contabo GmbH (hosting, Germany), Anthropic and OpenAI (AI features, USA), Telegram, SMS providers (Uzbekistan), payment providers, and Google/Apple/Mozilla push services.

Retention and deletion: data is kept while the center uses Edvy. To delete your account, contact your center or email info@cronsys.org from the phone number registered in the app; requests are completed within 30 days.

Children: student accounts for minors are created by the center with parental consent; parents can view and request deletion.

Contact: info@cronsys.org